काठमाडौं । त्रिभुवन विश्वविद्यालय परीक्षा नियन्त्रण कार्यालयले २०८० सालमा लिएको स्नातक तह बीबीएस प्रथम वर्षको नतिजा प्रकाशन गरेको छ । २०८० सालको असोजमा लिएको परीक्षाको नतिजा आज सार्वजनिक गरेको हो ।
सार्वजनिक गरिएको नतिजा परीक्षा नियन्त्रण कार्यालयको वेबसाइटमा हेर्न सकिनेछ । तर, नतिजा प्रकाशन भएसलगत्तै वेबसाइट नै डाउन भएको छ । परीक्षा लिएको एक वर्षपछि नजिता प्रकाशन गरेको हो । त्रिविले परीक्षा भएको ९० दिनभित्रमा नतिजा प्रकाशन गरिसक्ने नीति ल्याएको छ । तर, बीबीएस प्रथम वर्षमा परीक्षा दिने विद्यार्थी धेरै भए पनि नतिजा प्रकाशनमा ढिलाइ भएको कार्यालयले जनाएको छ ।
त्रिविका उपकुलपति प्राडा केशरजंग बरालले आफ्नो कार्यभारको सुरुवातसँगै परीक्षालाई पहिलो प्राथमिकतामा राखेका थिए । उनले कार्यभार सम्हाल्ने समयमा तीन वर्षदेखिको परीक्षाका नतिजा प्रकाशन गर्न बाँकी थियो । त्यसपछि गत जेठदेखि नतिजा प्रकाशनलाई तीव्रता दिएको थियो । यो अवधिमा विगतमा रोकिएका सबै परीक्षा सकिएको त्रिविले जनाएको छ ।