काठमाडौं । शेर्पा विद्यार्थी संघ सिन्धुपाल्चोक कमीटीको आयोजनामा मैत्रीपूर्ण शेर्पा विद्यार्थी फुटसल प्रतियोगिता आयोजना हुने भएको छ । संघको आयोजनामा आज भदौ २१ गते शेर्पा युवा विद्यार्थीको एकता गराउन फुटसल टुर्नामेन्ट आयोजना हुने भएको हो ।
शेर्पा युवा तथा विद्यार्थीहरूलाई एकवद्ध गराउँदै खेलकुद क्षेत्रबाट शेर्पा विद्यार्थीहरूलाई राज्य सामु प्रदर्शन गराउँने मुख्य उद्देश्यका साथ फुटसल प्रतियोगिता आयोजना गर्न लागिएको संघले जनाएको छ । ‘मैत्रीपूर्ण खेलबाट मनोरञ्जन, शेर्पा विद्यार्थी बीच एकता र समर्पण भन्ने’ मुल नाराका साथ मैत्रीपुर्ण शेर्पा विद्यार्थी फुटसल टुर्नामेन्ट–२०८१ को आयोजन गर्न लागिएको आयोजकले बताएको छ ।