काठमाडौं । सोमबारको सेयर कारोबार बन्द हुँदा नेप्से परिसूचक ४९ अंकभन्दा बढीले बढेको छ । आजको कारोबार बन्द हुँदा सेयर बजार परिसूचक ४९ दशमलव १२ अंकले बढेको हो । आजको सेयर बजार कारोबार बन्द हुँदा अघिल्लो दिनको भन्दा १.८९ प्रतिशतले वृद्धि भएको हो ।
आजको कारोबार बन्द हुँदा परिसूचक २६४० दशमलव ६८ विन्दुमा पुगेको छ । आज सेयर बजारमा २२६ कम्पनीको सेयर मूल्य बढेको छ भने १२ कम्पनीको सेयर मूल्य घटेको छ । त्यस्तै ४ कम्पनीको सेयर मूल्य स्थिर रहेको छ । त्यस्तै आज ‘क’ वर्गका कम्पनीको मापक सेन्सेटिभ इन्डेक्स पनि ६ दशमलव ६९ अंकले बढेर ४४९ दशमलव ५९ विन्दुमा पुगेको छ । आज १३ उपसूचकमध्ये सबैको सेयर मूल्य बढेको छ ।
आज परिसूचकसँगै कारोबार रकममा पनि वृद्धि भएको छ । अघिल्लो दिन ४ अर्ब ८६ करोड माथिको कारोबार भएको बजारमा आज ६ अर्ब माथिको कारोबार भएको छ । आज सेयर बजमारमा ६ अर्ब ३० करोड ५४ लाख ३१ हजार ८५४ रुपैयाँ बराबरको कारोबार भएको छ ।
आज सेयर बजारमा ३१२ कम्पनीका १ करोड ५४ लाख ६१ हजार २६४ कित्ता सेयर ७५ हजार ५४० पटक खरिद बिक्री हुँदा उक्त रकम बराबरको कारोबार भएको छ । आज सेयर बजारमा १ कम्पनीको सेयर मूल्यमा सकारात्मक सर्किट लागेका छ भने दुई कम्पनीको सेयर मूल्यमा नकारात्मक सर्किट लागेको छ ।