काठमाडौं । साताको कारोबार हुने दोस्रो दिन सेयर बजार परिसूचक दोहोरो अंकले घटेर बन्द भएको छ । आज सेयर बजार परिसूचक १२ दशमलव ८४ अंकले घटेर बन्द भएको हो ।
सोमबारको कारोबार बन्द हुँदा सेयर बजार परिसूचक २६७६ दशमल १५ विन्दुमा पुगेको छ । सेयर बजार अघिल्लो दिन पनि उच्च अंकले घटेको थियो । सोमबार सेयर बजारमा कारोबार भएका कम्पनीमध्ये ९२ वटा कम्पनीको सेयर मूल्य बढेको छ भने १३८ वटा कम्पनीको सेयर मूल्य घटेको छ । त्यस्तै आज १३ कम्पनीको सेयर मूल्य भने स्थिर रहेको छ ।
त्यस्तै आज ‘क’ वर्गका कम्पनीको मापक सेन्सेटिभ इन्डेक्स पनि १ दशमलव ३६ अंकले घटेर ४५५ दशमलव ६७ विन्दुमा पुगेको छ । त्यस्तै आज १३ उपसूचकमध्ये ५ वटाको सेयर मूल्य बढेको छ भने ८ वटाको सेयर मूल्य भने घटेको छ ।
परिसूचक सँगै कारोबार रकममा पनि आज कमी आएको छ । अघिल्लो दिन सेयरमा ७ अर्बभन्दा माथिको कारोबार भएको थियो भने आज ५ अर्बमा सीमित भएको छ । आज सेयर बजारमा ३१७ कम्पनीका १ करोड १५ लाख २३ हजार ३ कित्ता सेयर ६२ हजार ७५८ पटक खरिद बिक्री हुँदा ५ अर्ब ६२ करोड ९९ लाख ४५ हजार ८२२ रुपैयाँको कारोबार भएको छ ।
आज सेयर बजारमा एक कम्पनीको सेयर मूल्यमा नकारात्मक सर्किट लागेको छ ।