काठमाडौं । सूर्यज्योति लाइफ इन्स्योरेन्स कम्पनी लिमिटेडले संस्थापक सेयर बिक्रीमा ल्याएको छ । कम्पनीले संस्थापक सेयरधनीहरूका लागि २७ हजार ३२१ कित्ता सेयर बिक्रीमा राखेको हो ।
कम्पनीले सेयरधनी रमेश चोखानीको नाममा रहेको २७ हजार ३२१ कित्ता सेयर बिक्रीमा राखेको छ । उक्त सेयर खरिद गर्न इच्छुक संस्थापक लगानीकर्ताले आफूले खरिद गर्न चाहेको सेयर संख्या र सोको मूल्य समेत उल्लेख गरी ३५ दिनभित्र गोप्य शिलबन्दी बोलपत्र पेश गर्नु पर्नेछ । बोलपत्र कम्पनीको सेयर रजिष्ट्रार एनआईसी एशिया क्यापिटल, थापाथली–११, काठमाडौंमा कार्यालय समयभित्र पेश गर्नु पर्नेछ ।
साथै तोकिएको म्यादभित्र संस्थापकबाट सेयर खरिदका लागि आवेदन नपरेमा सो सेयर सर्वसाधारणमा बिक्री खुला गरिने कम्पनीले जनाएको छ ।