काठमाडौं । युइएफए नेसन्स लिग फुटबलमा जर्मनी र नेदरल्याण्ड्ले फराकिलो जित निकालेका छन् । लिग ‘ए’ समूह ३ को खेलमा जर्मनीले बोस्निया एण्ड हर्जगोभिनाविरुद्ध ७–० गोलको जित निकालेको हो ।
घरेलु मैदान युरोपा पार्क स्टाडियोनमा भएको खेलमा फ्लोरिएन रिट्ज र टिम क्लाइनडिस्टले समान २–२ गोल गर्दा जमल मुसिएला, काई हाभर्टज र लोरीयो सानेले १–१ गोल गरे । जर्मनीले पहिलो हाफमा ३ र दोस्रो हाफमा ४ गोल ग¥यो । यो जितसँगै जर्मनीले समूहमा ५ खेलबाट १३ अंक बटुलेको छ । जर्मनी च्याम्पियनसिप प्ले अफको लागि छनोट भएको छ भने पराजित पराजित बोस्निया एण्ड हर्जगोभिना भने लिग बीमा झरेको छ ।
यही समूहको अर्को खेलमा नेदरल्यान्ड्सले हंगेरीलाई ४–० गोलले पराजित गरेको छ । नेदरल्यान्ड्सको जितमा वोउट वेगह्रस्ट, कोडी गाक्पो, डेन्जेल डम्फ्रेज र टिउन कुपमेइनर्सले गोल गरे । हंगेरीविरुद्धको जितसँगै नेदरल्यान्ड्सले अर्काे चरण पुग्ने सम्भावना बलियो बनाएको छ । नेदरल्यान्ड्सको ५ खेलबाट ८ अंक छ भने हंगेरीको समान खेलबाट समान ५ अंक छ ।