काठमाडौं । इंग्लिस प्रिमियर लिग अन्तर्गत गएराति भएको खेलमा आर्सनल र लिभरपुल २–२ गोलको बराबरी खेलेका छन् । आर्सनललाई हराएमा लिभरपुल म्यानचेस्टर सिटीलाई पछि पारेर शीर्ष स्थानमा पुग्ने सम्भावना रहेकोमा खेल बराबरीमा सकिएपछि लिगको अंक तालिकामा म्यानचेस्टर सिटीको शीर्षस्थान कायमै रहेको छ ।

लिगको नवौं खेल सकिँदा लिभरपुल २२ अंक सहित दोस्रो र आर्सनल १८ अंक सहित तेस्रो स्थानमा छन् । शीर्ष स्थानमा रहेको सिटीको २३ अंक छ । हिजै भएको खेलमा क्रिष्टल प्यालेसले टोटनहमलाई १–० गोलले पराजित गरेको छ । यस्तै वेस्टहमले म्यानचेस्टर युनाइटेडलाई २–१ र चेल्सीले न्यू क्यासललाई २–१ गोलले पराजित गरेका छन् ।