मंगलबार अमेरिकी डलरसँगै युरो र पाउण्डको मूल्य पनि घटेको छ । अघिल्लो दिन स्थिर रहेको डलरको मूल्य आज केही घटेको हो ।
नेपाल राष्ट्र बैंकले आजका लागि सार्वजनिक गरेको विदेशी मुद्राको विनिमयदर अनुसार एक अमेरिकी डलरको खरिददर १३३ रुपैयाँ ९० पैसा र बिक्रीदर १३४ रुपैयाँ ५० पैसा रहेको छ । अघिल्लो दिन एक अमेरिकी डलरको खरिद दर १३४ रुपैयाँ ०१ पैसा र बिक्री दर १३४ रुपैयाँ ६१ पैसा रहेको थियो ।
त्यस्तै आज युरोको विनिदमयदर पनि केही घटेको छ । आज एक युरोको खरिददर १४७ रुपैयाँ ७७ पैसा र बिक्रीदर १४८ रुपैयाँ ४३ पैसा कायम भएको छ । अघिल्लो दिन युरो एकको खरिददर १४७ रुपैयाँ ७९ पैसा र बिक्री दर १४८ रुपैयाँ ४५ पैसा रहेको थियो । यसैगरी मंगलबार बेलायती पाउण्ड एकको खरिद दर १७३ रुपैयाँ ३५ पैसा र बिक्रीदर १७४ रुपैयाँ १३ पैसा कायम भएको छ । अघिल्लो दिन पाउण्ड एकको खरिददर १७३ रुपैयाँ ४८ पैसा र बिक्री दर १७४ रुपैयाँ २५ पैसा रहेको थियो ।
राष्ट्र बैंकका अनुसार आज अष्ट्रेलियन डलर एकको खरिद दर ८९ रुपैयाँ ६४ पैसा र बिक्री दर ९० रुपैयाँ ४ पैसा रहेको छ । त्यस्तै आज क्यानडियन डलर एकको खरिददर ९७ रुपैयाँ ८६ पैसा र बिक्रीदर ९८ रुपैयाँ ३० पैसा रहेको छ । मंगलबार सिंगापुर डलर एकको खरिददर १०२ रुपैयाँ १८ पैसा र बिक्रीदर १०२ रुपैयाँ ६४ पैसा कायम भएको ।
आज जापानी ऐन १० को खरिददर ९ रुपैयाँ १६ पैसा र बिक्रीदर ९ रुपैयाँ २० पैसा, चाइनिज युआन १ को खरिददर १८ रुपैयाँ ७५ पैसा र बिक्रीदर १८ रुपैयाँ ८३ पैसा रहेको छ । त्यस्तै आज साउदी अरबियन रियल खरिद दर ३५ रुपैयाँ ६८ पैसा र बिक्री दर ३५ रुपैयाँ ८४ पैसा रहेको छ । त्यस्तै कतारी रियाल १ को खरिददर ३६ रुपैयाँ ७२ पैसा र बिक्रीदर ३६ रुपैयाँ ८८ पैसा कायम भएको छ । मंगलबारका लागि राष्ट्र बैंकले युएइ दिराम १ को खरिदर ३६ रुपैयाँ ४६ पैसा र बिक्रीदर ३६ रुपैयाँ ६२ पैसा तोकेको छ ।
त्यस्तै मलेसियन रिंगिट एकको खरिद दर ३० रुपैयाँ ५६ पैसा र बिक्री दर ३० रुपैयाँ ७० पैसा रहेको छ । मंगलबार दक्षिण कोरियन वन १०० को खरिददर १० रुपैयाँ १ पैसा छ भने बिक्री दर १० रुपैयाँ ५ पैसा रहेको छ ।